𝗚𝗢𝗩 𝗗𝗘𝗟𝗧𝗔, 𝗡𝗔𝗚𝗕𝗜𝗚𝗔𝗬 𝗡𝗚 𝗙𝗜𝗡𝗔𝗡𝗖𝗜𝗔𝗟 𝗔𝗦𝗦𝗜𝗦𝗧𝗔𝗡𝗖𝗘 𝗣𝗔𝗥𝗔 𝗦𝗔 𝟮 𝗔𝗡𝗔𝗞 𝗡𝗚 𝗞𝗔𝗣𝗔𝗠𝗣𝗔𝗡𝗚𝗔𝗡 𝗢𝗙𝗪 𝗡𝗔 𝗡𝗔𝗠𝗔𝗧𝗔𝗬 𝗦𝗔 𝗚𝗜𝗧𝗡𝗔 𝗡𝗚 𝗕𝗔𝗛𝗔 𝗦𝗔 𝗨𝗔𝗘

Nag-bigay ng pag-asa si Governor Dennis “Delta” Pineda sa dalawang naulilang anak ni Jennie Gambao, ang Kapampangan OFW na namatay sa gitna ng baha sa UAE noong Abril.

Ayon sa anak na si Christian, unti-unti ng bumabangon mula sa bangungot ng nakaraan ang kanyang pamilya para ipagpatuloy ang mga pangarap sa kanila ng kanyang ina.

Para mabigyan ng magandang bukas si Christian at ang kanyang nakababatang kapatid, nagpaabot ng P300,000 na cash asssistance sina Gov Delta, Vice Governor Lilia “Nanay” Pineda, at Sangguniang Panlalawigan para sa kanila.

Bukod pa dito, sa tulong ni Gov Delta, nakapasok din bilang intern si Christian sa Kapitolyo sa ilalim ng Government Internship Program (GIP) ng PESO at nakatakda na din bigyan ng oportunidad na magkaroon ng permanenteng trabaho at makapagsimula ng bagong buhay.

: Luisse Rutao | Pampanga PIO