Ayon kay Dra. Flores, mild illness lamang umano ang maaaring maranasan dito.

Ngunit, pinagiingat naman nito ang mga buntis na magkaroon ng German Measles dahil posible umanong maapektuhan ang sanggol sa sinapupunan ng mga ito.

Ang mga sintomas ng German Measles ay lagnat, sore throat, at rashes na nagsisimula sa mukha at kumakalat sa iba pang bahagi ng katawan.

Sa panayam ng Newsline Central Luzon kay DOH Region 3 Regional Director Dra. Corazon Flores, sinabi nito na ang Nipah Virus na isang Bat Borne Virus ay maaaring mahawa ang tao sa pamamagitan ng pagkain ng mga prutas na may laway, ihi o dumi ng isang infected.

Bagaman sa ngayon wala pang bagong kaso ng Nipah Virus na naitatala sa bansa, nagpaalala pa rin si Flores na kung maaaari ay iwasan muna ang pinamumugaran ng mga paniki dahil maaaring may infected na ang mga ito ng Nipah at mahawa ang isang tao.

Dagdag pa ni Flores, suriin ang mga kinakaing mga prutas at hugasang Mabuti.

Matatandaan na Huling naitalang kaso ng Nipah Virus sa bansa ay noong 2014 sa Sultan Kudarat.

Sa ngayon, puspusan ang pagbabantay ng DOH katuwang ang Department of Agriculture at Department of Environment and Natural Resources sa posibleng banta sa muling pagpasok ng virus sa bansa.