Sa panayam ng Newsline Central Luzon kay Engr. Wilson Lejarde, ang Hepe ng Enforcement and Operation Division ng NTC Region 3, sinabi nito na ang bagong scam na ito ay ginagamit ang iba’t-ibang social media platforms upang maka-panloko.

Ang modus umano ng mga scammer ay kunwari naghahanap ng lupang halimbawa ay may sukat na 500 square meters na pwedeng upahan ng 30 years para pagtayuan ng tower ng isang telco.

Kinokonekta din umano ng mga ito ang pang-i-scam sa Maharlika Investment Fund kung saan sasabihin ng mga ito na magmumula dito ang pondo upang makapan-loko.

Upang makapang-hikayat ay mangangako ang mga scammer na mag-bibigay ng paunang P6 million pesos at bukod dito ay may buwanang renta pa na P10 thousand pesos sa loob ng tatlumpong taon.

Kapag nakapag-hikayat na ay hihingi ang mga ito ng kopya o original copy ng mga papeles ng lupa tulad ng titulo, maging ng mga valid ID.

Dahil dito ay pinag-iingat ng NTC ang publiko dahil ang posibleng kalabasan nito ay ibenta o isangla sa bangko ng mga scammer ang lupa nang hindi alam ng may-ari.

Ayon sa SFELAPCO, traditionally, ang power prices ay posibleng tumaas sa last quarter ng taon habang ang major oil at coal importing countries ay naghahanda sa winter season.

Gayunpaman, ang mga hindi inaasahang kadahilanan sa merkado ay bumagsak sa trend na ito, na nagreresulta sa pagbaba ng power rates sa nakalipas na tatlong buwan.

Nakita naman umano ito ng SFELAPCO bilang isang pagkakataon upang magpatuloy sa pagbibigay ng mas mababang power rates sa mga consumer nito.

Ayon sa NLEX, sa muling pagbubukas nito para sa lahat ng uri ng sasakyan, muling mapapagaan nito ang trapiko para sa mga motoristang nagmumula sa Clark papuntang Subic, at mula Subic hanggang Clark.

Ipagpapatuloy naman umano ng NLEX ang rehabilitasyon upang lalo pang mapatibay ang tulay habang binubuksan muli ito.

Matatandaang noong July 16, isinara ng concessionaire at operator ng SCTEX ang tulay sa lahat ng sasakyan upang magsagawa ng emergency safety inspection at assessment dahil sa patuloy na pag-ulan na dala ng habagat at bagyong Dodong.

Batay sa panayam ng Newsline Central Luzon sa tagapag-salita ng Philippine Drug Enforcement Agency o PDEA na si Glenn Guillermo, ang naturang halaga ng ilegal na droga ay ang mga nasamsam simula noong January hanggang August 2023.

Ipinaliwanag ni Guillermo na ito ay mula sa collaboration ng PDEA, Philippine National Police at National Bureau of Investigation kung kaya malaki ang naging datos.

Umabot naman sa 2,996 ang ikinasang anti-drug operations at nasa 4,475 indibidwal ang nahuli at kinasuhan dahil sa droga.

Sinabi pa ni Guillermo na kaya malaki ang interdiction dahil sa mga nakukuhang droga sa Port of Clark, ngunit agad din niton nilinaw na hindi source ng illegal drugs ang Pampanga kundi daanan lamang ng mga smuggled mula sa ibang bansa.

Ang isa kasi umano sa paraan ng mga sindikato ay ang pagdadala nito sa pamamagitan ng parcel.

Bukod dito, kahapon ng ihayag ng NBI ang nasabat na ilegal na droga sa bayan ng Mexico, Pampanga na nagtitimbang ng 530 kilograms na nagkakahalaga ng 3.6 billion pesos na idinaan umano sa Port of Subic.

Dahil dito ay iminungkahi ni Justice Secretary Jesus Crispin Remulla na muling isailalim sa training ang mga K9 dogs na katuwang ng mga awtoridad sa mga pantalan at paliparan.

Sa isang pulong balitaan ng Central Luzon Media Association (CLMA) Pampanga Chapter, sinabi ni Comelec Region 3 Assistant Director Atty. Elmo Duque, na ang mga ito ngayon ay pinagpapaliwanag na kaugnay ng mga alegasyon ng pre-mature campaigning at kung bakit hindi sila dapat i-disqualify.

Kapag napatunayan kasi na ang mga ito ay lumabag sa election rules, posibleng sila ay ma disqualify bilang kandidato sa paparating na halalan.

Dagdag pa ni Duque, mabilis umano na dinidinig ng Comelec ang mga ganitong kaso kaya kung mapatunayan na ang mga nabigyan ng show cause order ay may nilabag sa election rules ay posibleng bago pa ang campaign period ay lumabas na ang hatol sa mga ito.